Projet de loi 6670: Entrevue mat der Plattform „CEDIES amplaz Täschegeld“

euroEch hat Méindeg, den 31. März eng ganz interessant Entrevue mat zwee Vertrieder vun der Facebook Plattform „CEDIES amplaz Täschegeld“.

Déi zwee Vertrieder vun der Plattform haten mat hieren Argumenter zu 90% Recht: z.B. datt mer nach ëmmer keng genee Donneeën hunn, wou wéivill Studenten studéieren, wéi déi aktuell Wunnsituatioun vun de Studenten ass, am Ausland, an och hei zu Lëtzebuerg, datt mer rëm eng Kéier, elo di drëtte Kéier, ënner Zäitdrock musse schaffen, datt een net vun enger grousser Reform ka schwätzen, mee éischter vun engem Redressement vun Feeler vun de viiregten Regiirungen.

Ech hunn bedauert, datt mer net eng breet Diskussioun féieren iwwert d’Notzen an d’Finanzéieren vun Studien, iwwert déi mangelhaft Orientatioun an eise Schoulen, an datt et schued ass, datt mer just iwwert d’Studéieren als Spuermossnam schwätzen.
D’Bildung ass fir mech ganz kloer eng Ausgab an een Investissement. An all Ausgab an all Investissement daerf och hannerfrot ginn, muss esou guer hannerfrot ginn. D’Fro op ech déi Suen déi ech ausginn och bescht méiglech asetzen ass keng falsch Fro.
Mäi Fazit zu der Reformpropose war folgenden:
De Montant de base ass objektiv de Montant, deen am meeschten kascht.
D’Mobilitéitsbourse, riskéiert méi op Käschte vun de Frontalier’en ze goen.
Déi sozial Bourse oder hier Heicht sinn zumindest diskutabel, dat aus enger ganzer Rei vu Grënn.
Zum Schluss vun eiser Entrevue hunn ech festgehal, datt ech mech net wéilt op eng Ausso oder eng Zort Communiqué festleeën. Meng Aarbecht ass et fir déi gréng an der Chamberskommissioun Positioun ze huelen a fir mech ass a priori näischt onverhandelbar, och déi Argumenter déi d’Vertrieder vun der Plattform virbruecht hunn wärt ech an déi Debatte mat eranhuelen, dofir hu mer déi Entrevue jo gemaach, on dofir sinn och nach weider Entrevuen geplangt.

Dat ass mäi Resumée vun der Entrevue, déi ech, wéi gesot ganz interessant fonnt hunn, a wou Argumenter ugefouert gi sinn, déi duerchaus eng verdéiften Diskussioun verdingt hunn.“CEDIES amplaz Täschegeld“ hunn déi Entrevue och op facebook kommentéiert:

Capture d’écran 2014-04-17 à 21.47.06Entrevue mat déi gréng:
Zwee vun eis woren e Méinden stellvertriedend fir de Protest op dëser Plattform op eng Entrevue mat déi Gréng (e.a. Claude Adam, Bildungspoliteschen Spriecher). D’Entrevue huet iwwer 2 Stonnen gedauert, mir sinn eescht geholl ginn an eist Uleies ass ukomm. Déi Gréng sinn domat déi éischt Regierungspartei, déi sech dem Protest stellt.
Finalement si mer awer konstruktiv géint d’Wand gefuer: Déi Gréng sinn net bereet, sech an dësem Dossier queesch ze stellen an hunn eist dëst, fairer Weis och ouni eng grouss Show ze maachen, gesot.
Haaptaussoen vun hinnen woren:
– „Dir hutt mat 90% bei deem wat der sot einfach Recht“. Déi Gréng hunn eis gesot, dat se, wann se nach an der Oppositioun wieren, genee sou argumentéiere géifen wéi mir et lo maachen.
– „De Projet de Loi gouf iwwert de Knéi gebrach“. Déi Gréng hunn eis Recht ginn, dat een dëse Projet net „Reform“ nenne kann, dat et keng Zuelen an Impaktstudien zum Modell gëtt, an dat den eenzegen Zweck vun deem Gesetz ass, méiglechst effektiv Suen anzespueren.
– Dat et keng grondsätzlech Iwwerleeunge gëtt, déi hannert dësem Projet de Loi stinn, dat d’Regierung heimat d’Situatioun verschlechtert ouni op anere Plazen aktiv ze ginn (Jugendchômage, Zougank zu den Unien fir Leit, déi sech dat och am ale System net leeschte konnten, Mangel u Studentewunnegen asw.) woren och alles Punkten, déi vun déi Gréng bestätegt goufen.
– „Et muss gespuert ginn“ wor u sech deen eenzegen Punkt, op deem mer inhaltlech mat déi Gréng ënnerschiddlecher Meenung woren. Op eis Géigefroen: Firwat een dann grad bei de Studente spuert, op Bildung fir si eng Ausgab oder en Investissement ass, an op hirer Meenung no déi Jonk déijéineg sinn, déi Schold un der Kris sinn, wéinst der lo gespuert gi muss, krute mer awer keng richteg Äntwert.
Fazit déi Gréng:
– Montant vun der Basisbourse ass onverhandelbar, well des déi Haaptspuermesure ass.
– Mobilitéitsbourse ass onverhandelbar, well déi grad sou geplangt gouf, fir haaptsächlech d’Frontalierskanner ze treffen.
– Déi Gréng wäerten sech dëser Reform net widderspriechen, wäerten héchstens versichen, déi sozial Bourse, déi och hirer Meenung no den Numm net verdéngt, nach ee bëssi ze modifizéieren.
– Déi Gréng wäerten sech zu dësem Sujet net ëffentlech zu Wuert mellen.
Eise Fazit:
Mir kënnen eis leider net erwaarden, dat déi Gréng genuch Réckgrad huet, fir sech bei dëser Reform fir hir Idealer z’entscheeden an sech géint d’Gramegna-Spuerideologie an Austeritéitspolitik ze stellen. Déi Gréng hu keng Méiglechkeet sech duerchzesetzen an wëllen och kee Sträit an der Koalitioun. Dowéinst muss den Drock vu baussen, an op déi ganz Regierung sou grouss sinn, dat all d’Regierungsparteien, wann och just aus egoisteschen PR-Grënn virun den Europawalen, zesummen alenken.

 

Dieser Beitrag wurde unter Educatioun abgelegt und mit verschlagwortet. Setze ein Lesezeichen auf den Permalink.

Kommentar verfassen

Trage deine Daten unten ein oder klicke ein Icon um dich einzuloggen:

WordPress.com-Logo

Du kommentierst mit Deinem WordPress.com-Konto. Abmelden / Ändern )

Twitter-Bild

Du kommentierst mit Deinem Twitter-Konto. Abmelden / Ändern )

Facebook-Foto

Du kommentierst mit Deinem Facebook-Konto. Abmelden / Ändern )

Google+ Foto

Du kommentierst mit Deinem Google+-Konto. Abmelden / Ändern )

Verbinde mit %s