Méisproochegkeet zu Lëtzebuerg

Capture d’écran 2016-06-30 à 09.47.08Lëtzebuerg ass e Raum vu geliefter Méisproochegkeet. Eis Sproochesituatioun ass an hirer Komplexitéit kaum ze iwwertreffen: dräi Sproochen, déi gläichzäiteg matenee funktionéieren; eng Nationalsprooch, déi fir 50% vun de Schoulkanner net méi déi éischt Sprooch an hirem Alldag ass; eng Villfalt vu Sproochen, ronn 25% vun eise Kanner schwätzen och Portugisesch. Englesch behaapt sech op internationalem Niveau als gemeinsam Sprooch – och zu Paräis gëtt op internationale Konferenzen englesch geschwat.

Et schéngt mir dofir konsequent, datt den Educatiounsminister de Fokus op d’Sproochefërderung am Klengkandberäich riicht. No engem quantitative Wuesstum an de leschte Joren, ausgeléist duerch déi reell Besoine vu Mammen a Pappen, déi wëllen oder musse schaffe goen, beschleunegt duerch d’Aféiere vun de Chèques-services begréissen ech et, dass d’Regierung Qualitéitskritären an de Crèchen aféiert. Et ass wichteg, datt mer méi genee kucken, datt eis Kanner an de Betreiungsstrukture besser sproochlech gefërdert ginn. Eng Pilotphas mat de Partner an Akteuren um Terrain zur fréier Sproochefërderung schéngt e gudde Wee ze sinn.

Eis eenzegaarteg Situatioun bedeit awer och dat mir net kënnen op auslännesch Studien zeréckgräifen. Ech sinn dofir frou fir all Pilotphas an all Etüd, déi sech mat der Villsproochegkeet hei am Land befaasst. Ech hu ganz laang no enger Evaluatioun vum Précoce gefrot. Wéi mir endlech eng Evaluatioun kritt hunn, huet dës keng detailléiert Informatiounen iwwert d’Auswierkunge vun der geliefter Méisproochegkeet an eisem Land op eis Kanner ginn.

Während déi vill Sprooche fir verschidde Kanner eng Beräicherung sinn, ginn et anerer fir déi déi aktuell Sproochevillfalt op hirem Schoulwee eng Hürd bedeit, déi se net kënnen iwwerwannen. An deem Kontext stellen sech eng Rei Froen: Wéi wierkt sech d’Méisproochegkeet op d’Léiere vun der Mathematik aus? Awéiwäit hëlleft d’Méisproochegkeet bei den Naturwëssenschaften? Awéiwäit ass se eng Brems oder een Obstakel? Gëtt et een Zesummenhang tëschent där enger oder anerer Dys-Problematik an der Méisproochegkeet? Wa mer keng esou Froe stellen an net no Äntwerte sichen, da riskéiere mer, eventuell méi wéi déi 150 geplangte spezialiséiert Enseignantë mussen anzesetzen.

Eng Tatsaach, déi mir och net sollten aus den An verléieren, ass dat d’Sprooch nëmmen ee Fakteur um Wee zum schouleschen Erfolleg ass. D’Resultater vun internationalen an nationale Studien iwwert d’Schoulleeschtunge weisen ëmmer erëm a ganz däitlech drop hin, datt et net eng Fro vun der Sprooch ass, mä en Zesummespill vu migratiounsspezifeschen a sozioekonomesche Facteuren, déi e groussen Deel matbestëmmt iwwert de schouleschen Erfolleg oder Mësserfolleg.

Nieft der Fro nom spéidere Schoulerfolleg, sollte mir awer eent net vergiessen: Kanner sollen däerfe Kanner bleiwen, besonnesch an der nonformaler Bildung. Dëst ass e Prinzip, deen iwwer all aner Zilsetzunge vun eiser Bildungspolitik sollt stoen.

 

 

 

 

 

Veröffentlicht unter Verschiddenes | Kommentar hinterlassen

Den CETA net ënnerschätzen

Debatt an der Chamber iwwert 3 Motiounen zum CETA-Accord (7. Juni 2016)

Debatt an der Chamber iwwert 3 Motiounen zum CETA-Accord (7. Juni 2016)

De Sträit ronderëm d’TTIP Ofkommes tëschent den USA an Europa huet d’Ëffentlechkeet esou vill beschäftegt, datt op een Hoer den Handelsaccord mat Kanada, den CETA-Accord, iwwert d’Bühn gaange wier ouni dat een et gemierkt hätt.

CETA ass net TTIP. Kanada ass, gemooss un der Fläch, dat zweetgréisst Land op der Welt. Mat 35,8 Milliounen Awunner huet et awer nëmmen e Brochdeel vun den Awunner vun den USA an ass domat en däitlech méi klengen Handelspartner. Déi kanadesch Politik, a besonnesch de neie kanadesche Premier, den Justin Trudeau, setzen aner Akzenter wéi hir amerikanesch Konterpartien. Den CETA-Text, wéi en elo virläit, gouf allerdéngs vun der EU mat der konservativer Regierung virdrun ausgehandelt.

Den CETA baut Taxen of, dat ass eppes wat allgemeng éischter begréisst gëtt. Et bleift awer ofzewaarden op dëse Virdeel déi sëllech Kritikpunkte kann opweien. Ee Punkt dee scho vill diskutéiert gouf, ass d’Aféiere vu Schiidsgeriichter duerch den Accord. Ursprénglech goufen d’Schiidsgeriichter agefouert fir Investisseuren ze schützen déi bereet waren, mat sou enger Garantie, a Länner mat stabiller Korruptioun a wackeleger Justiz ze investéieren. Am Fall vum CETA-Accord hu mir et awer mat Länner ze dinn, déi wéineg bis keng Korruptioun kennen an op eng onofhängeg Justiz kënnen zeréckgräifen. Wie soll also hei viru wat geschützt ginn? Et gi Stëmmen déi argumentéieren dat de Justizsystem a verschiddenen europäesche Länner net grad sou onofhängeg ass, wéi se sollten. An dësem Fall sinn awer Reformen an dëse Länner gefrot a net en Investment Court System (ICS). Den ICS ass wuel eng Weiderentwécklung vun den Investor-State Dispute Settlement Mechanism (ISDS) a kënnt opgrond vu méi Transparenz, Professionalitéit an Objektivitéit engem „richtege“ Geriicht méi no. D’Fro bleift awer, ob mir sou Geriichter wierklech brauchen.

Eng weider Fro ass, ob dës Geriichter iwwerhaapt mat den europäeschen Traitéen kompatibel wieren. D’Meenungen zu dësem Thema ginn auserneen. Bis et dozou eng kloer juristesch Äntwert gëtt, misst eigentlech den europäesche Vorsorgeprinzip gräifen, an dat géif bedeiten dat mir d’Fangeren dervu loossen. Wa mir d’Fro vun der Noutwendegkeet an der Kompatibilitéit vun esou Geriichter kuerz op d’Säit stellen an vun hirer Aféierung ausginn, mussen ënner allen Ëmstänn am Virfeld d’Critèren, ënner deenen d’Geriicht operéiert, gekläert ginn. D’Riichtere mussen onofhängeg sinn, de code de déontologie muss um Dësch leien an et muss och kloer sinn, wéi dës Riichter bezuelt ginn. D’Modalitéiten, wéi se aktuell virgesi sinn, loossen do nach ze vill Froen op.

Och d’EU Kommissioun deet sech schwéier mat kloren Aussoen. D’Diskussiounen zum Thema baséieren op engem Muechtspill tëschent der EU-Kommissioun an de Memberstaaten. Et steet net zur Debatt dat de Nationalstaat net ëmmer déi beschten Äntwerten op global Erausfuerderunge ka liwweren. D’Thema Migratioun ass e kloert Beispill dofir dat e gutt Stéck méi europäesch Solidaritéit géif zu bessere Léisunge féieren, wéi wann all Member doheem eleng seng Zopp kacht. Déi nei Zort Handelsverträg, wéi dem TTIP an dem CETA, gräifen allerdéngs déif an d’Funktionéiere vun eiser Wirtschaft, eisem Rechtsstaat an esou guer an d’Entscheedungsprozesser vun eisen demokrateschen Institutiounen an. Et ass dofir absolut noutwendeg, dat déi national Parlamenter mat an dës Decisiounen agebonne ginn an d’Entscheedung net eleng bei der EU-Kommissioun läit. Et steet ausser Fro, dat et zu engem Vote am EU-Parlament muss kommen, iert den Traité ka provisoresch ugewand ginn. D’Chambre des salariés weist an enger rezenter Note ob eng Rei Problemer a Verbindung mam CETA Accord hin. Hei geet et nieft dem Risque de pouvoir législatif vum souveräne Staat ze beschneiden, och ëm méiglech Auswierkunge vun CETA op ëffentlech a sozial Déngschter zu Lëtzebuerg. Dëst ass eng Diskussioun, déi muss weidergeféiert ginn. Et wier och sënnvoll d’Uerteel iwwer den Handelsaccord mat Singapur ofzewaarden,  fir zumindest eng Rei juristesch Froen ze klären, iert eng Decisioun iwwert den CETA-Accord geholl gëtt.

Déi gréng bleiwe ganz kritesch vis-à-vis vun der neier Zort Handelsaccorden ewéi TTIP an CETA. Mir hu Bedenken, datt groussen internationalen Investisseuren duerch esou Verträg eng Dier opgemaach gëtt, fir géint Verbesserungen a géint méi strikt Gesetzer beim Ëmweltschutz a beim Verbraucherschutz kënnen ze kloen. Mir stinn net eleng mat dëse Bedenken do a mir sollten d’Suerge vun eis a vun deene villen anere Leit Eescht huelen an d’Credibilitéit vun der Politik net nach eng Kéier op d’Spill setzen. Vill Leit fillen sech iwwerfuerdert, wann se sollen zu CETA an TTIP Stellung huelen – bei sou enger komplexer Matière ass dat net verwonnerlech.

Déi gréng ënnerstëtzen duerfir d’Motioun zum CETA, déi den Här Bodry deposéiert huet. Si iwwerléisst souwuel der Regierung wéi och dem Parlament genuch Raum, fir weiderhin d’Entwécklungen am Dossier kënne kritesch ze begleeden, déi néideg Äntwerten op déi vill oppe Froen ze verlaangen an hir Roll par rapport zu der finaler Decisioun ze iwwerhuelen.

 

Veröffentlicht unter Politik | Verschlagwortet mit , | Kommentar hinterlassen

Demissioun als President vun der ULBP

1. Juni, meng lescht Generalversammlung vun der ULBP. lénks den neie President Gusty Graas, riets den Sekretär Ben Linster

1. Juni 2016, meng lescht Generalversammlung vun der ULBP. lénks den neie President Gusty Graas, riets den Sekretär Ben Linster

D’Union publique des bibliothèques publiques (ULBP) gouf 2007 gegrënnt a vertrëtt zanterhier d’Interesse vun de sëllechen ëffentleche Bibliothéiken zu Lëtzebuerg a setzt sech an fir Bicher an aner Medien engem breede Public a ganz Lëtzebuerg zougänglech ze maachen. Nieft dem edukativen an kulturelle Kader, bidden d’Bibliothéiken och e soziaalt Ëmfeld an deem Leit sech kënne begéinen an austauschen.

Als membre fondateur, war ech vun Ufank un dobäi. Den éischte comité exécutif huet sech folgendermoossen zesummegesat: Marco Schank (President) Claude Adam a Roger Negri (Vize-Presidenten), Jean-Marie Reding (Secrétaire general), Henri Lutgen (Secrétaire adjoint), Agnès Poupart (Trésorière), Angelika Bräutigam (Trésorière adjointe). Zanter 2009 konnt ech als President zesumme mat dem Comité vill flott Projeten op d’Been setzen an déi ëffentlech Bibliothéiken ënnerstëtzen.

17. November 2012 Walfer Bicherdeeg Claude Conter (Direkter CNL), Tanja Duhr (Secret. ULBP), Claude Adam (Pres. ULBP), Monique Kieffer (Direktesch BnL)

17. November 2012
Walfer Bicherdeeg
Claude Conter (Direkter CNL), Tanja Duhr (Secret. ULBP), Claude Adam (Pres. ULBP), Monique Kieffer (Direktesch BnL)

Ech si frou a stolz wann ech gesinn wat mir bis haut erreecht hunn. D’ULBP beréit Gemengen a Veräiner déi wëllen eng nei Bibliothéik oder Mediathéik opmaachen a kann tëscht de lokale Bibliothéiken an de nationalen Instanzen am Bibliothéikswiesen an dem Kulturministère vermëttelen. Mir si  regelméisseg präsent op de Walfer Bicherdeeg, d’ULBP ass Partner bei de Journées du livre, mir hunn vill Zäit an d’Ausernanersetzung mam Bibliothéiksgesetz vun 2010  investéiert. De vun eis erhofften Opschwong fir ëffentlech Bibliothéiken ass ausbliwwen; déi Konditiounen, déi eis duerch d’Bibliothéiksgesetz operluecht goufen, friessen ee groussen Deel vun der staatlecher Bäihëllef op.

Zanter 2010 ass d’ULBP och um Internet ze fannen (http://www.ulbp.lu/index.html) an 2013 hu mir e Guide mat Informatiounen zu den ëffentleche Bibliothéiken zu Lëtzebuerg erausbruecht. Op de Walfer Bicherdeeg 2015 hu mir eis offiziell engem weideren Defi vun der Zäit gestallt an ugefaangen eng e-book Bibliothéik an d’Liewen ze ruffen, an där 10 ëffentlech Bibliothéike matmaachen, a wou een e-books op Däitsch, Franséisch an Englesch ausléine kann.

No bal 7 Joer, gëtt et awer elo Zäit, de Posten vum President un eng nei Persoun mat frëschen Iddien an Éiergäiz ofzeginn. No menger Demissioun, déi ech den 1. Juni 2016 agereecht hunn, iwwerhëlt de Gusty Graas meng Positioun. Ech wënschen him an der ULBP weiderhi vill Gléck an Erfolleg bei hirer Missioun.

De Comité vun der ULBP mam "président sortant"

De Comité vun der ULBP mam „président sortant“

Veröffentlicht unter Kultur | Verschlagwortet mit | Kommentar hinterlassen

TTIP „Blackroom“

Chamber Aktuell: Mosar - Adam 22.02.2016

Chamber Aktuell: Mosar – Adam 22.02.2016

Mat dem Ariichte vun engem « Blackroom » kréien d’Deputéiert elo Zougang zu den TTIP Dokumenter. Den Zougang ass d’Resultat vun engem Accord tëschent dem Conseil européen CE an der amerikanescher Regierung. Duerch déi vill Restriktiounen un déi den Zougang gebonnen ass, ass dësen Accord leider e gutt Stéck ewech vun dem Niveau un Transparenz, dee mir eis fir eng demokratesch Politik wënschen.

Sou lues schéngt sech an der lëtzebuerger Politiklandschaft ee kloren TTIP-kritesche Konsens erauszeschielen. Et freet mech, datt och d’CSV sech Suergen em d’Transparenz mécht… léiwer spéit wéi ni ! An hirem Wahlprogramm zu den Europawahlen 2014, war der CSV den TTIP nach keng Zeil wärt. Bei deene Grénge stoung dëst am Programm : « Derzeit wird über eine Transatlantische Handels- und Investitionspartnerschaft (TTIP) mit den Vereinigten Staaten von Amerika verhandelt. déi gréng widersetzen sich der fehlenden Transparenz in diesen Verhandlungen und werden sich, zum Schutz von Gesundheit, Umwelt und starken Bürgerrechten, gegen den Abbau der in Europa geltenden Normen einsetzen. » Wéi de Lange-Bericht zu TTIP den 08.07.2015 am Europaparlament votéiert ginn ass, hat eisen Europadeputéierten e.a. dësem Amendement zougestëmmt :

Capture d’écran 2016-02-22 à 22.12.38Vun de lëtzebuerger CSV-Deputéierten hat een fir dësen Amendement gestëmmt, een dergéint an een net mat ofgestëmmt.

Déi gréng hunn de Mangel un Transparenz ëm den TTIP vun Ufank u kritiséiert an Zougang zu de Verhandlungsdokumenter gefuerdert. Fir eis ass et wichteg, méiglechst vill gesellschaftlech Acteuren, an och d’Bierger a Biergerinne selwer, anzebannen an zesummen ze diskutéieren ëm wat et hei geet. Dësen Accord wäert eis alleguerte betreffen. Mir kéinten den ageschränkten Zougang ausschloen, well en ongenügend ass. Mir hunnChamber Aktuell_Mosar Adam 20160222 005
eis awer dozou decidéiert, vun der Méiglechkeet ze profitéieren, een Abléck an den aktuelle Stand vun de Verhandlungen ze kréien a wäerten eis och weider dofir asetzen, dat den Dialog iwwer den TTIP och mat der sougenannter Société Civile geféiert gëtt.

 

Veröffentlicht unter Politik | Verschlagwortet mit | 1 Kommentar

EGP: The future of Europe

Capture d’écran 2016-02-15 à 09.44.12

D’European Green Party (EGP) hat Samschdes, den 13. Februar, op eng Sëtzung vum Aarbechtsgrupp “The Future of Europe” agelueden, presidéiert vum Monica Frassoni, Copresidentin vun der EGP. Eigentlech um Sëtz vun der EGP geplangt, huet d’Sëtzung op Grond vum groussen Interessi missen a méi e grousse Raum, am Mundo B zu Bréissel, verluecht ginn.

Vertrieder vu grénge Parteien aus ganz Europa haten sech zesummefonnt fir driwwer ze diskutéiere wou mer haut sti mam europäeschen Dram. Wat ass aus den Iddien, déi bei der Grënnung vun der EU wichteg waren, wéi Fridden, Mënscherechter, Demokratie… ginn? Virun allem fir Europäer, déi net weider mobil sinn, déi net vun der Beweegungsfräiheet profitéieren, déi Europa geschaf huet, zeechent sech een ëmmer méi negatiivt Bild vun Europa. Wéi kann een den ëmmer méi staarke Bewegunge vun Nationalisten a Populisten entgéintsteieren, wat ass haut nach un der europäescher Iddi attraktiv? Fir déi gréng ass et sécher, datt global Erausfuerderungen (Fridden, Klimawandel, Soziale Wuelstand, …) am beschte kënne gemeinsam bewältegt ginn. Et ass vill iwwert Begrëffer wéi Fräiheet a Sécherheet diskutéiert ginn.

E weidere Sujet war den Ëmgang mat engem méigleche BREXIT. Och wann den Datum vum Referendum nach net offiziell festläit, sou ass et awer wahrscheinlech, datt den 23. Juni 2016 a Groussbritannien ofgetëmmt gëtt. An de Sondage läit de Jo an den Nee zum Brexit no beieneen. Wann een awer berücksichtegt, datt vill Wieler nach onsécher sinn, da gesäit et sou aus wéi wann en Drëttel vun de Wieler wëll an der EU bleiwen, an een Drëttel wëll eraus goen. De leschten Drëttel decidéiert, op Grond vun allméiglechen Iwwerleeungen, mee net onbedéngt wéinst dem wat den Tusk an de Cameron mateneen ofgeschwat hunn.

Déi Britesch Gréng (GPEW) hunn hier Positioun, déi vun allen anere grénge Vertrieder gutt geheescht ginn ass, duergeluecht. Dem Donald Tusk seng Offer fir dem Cameron entgéint ze kommen, gëtt éischter negativ betruecht. Dëse Wee féiert weider an eng neoliberal Richtung a riskéiert och op d’Käschte vun de Rechter vun de Salariéen ze goen. Déi britesch Gewerkschaften halen sech mat enger Positioun zréck. D’GPEW engagéiert sech fir de Verbleif an der EU, och wa vereenzelt Mandatairë vun hinnen sech am Camp fir den Nee agedroen hunn. Gläichzäiteg freet d’GPEW och no Reformen an Europa, déi awer an eng diametral aner Richtung ginn, wéi dat wat de Cameron freet. Dem Cameron seng Grënn firwat Groussbritannien an der EU bleiwe soll, sinn net d’Grënn vun deene Gréngen. Et gëtt souwuel eng emotional wéi och eng economesch Debatt gefouert. Et geet drëm ze weisen, wat eis dat gemeinsamt Europa an der Vergaangenheet Positives bruecht huet a fir d’Zukunft brénge kann. Dem Tusk seng Proposë si keng Gewëssheeten ; do muss zum Deel och nach d’EU-Parlament säin Accord ginn.

D’Fro vun engem Europa, dat sech an ënnerschiddleche Vitessen an op ënnerschiddlechen Niveaue weiderentwéckelt stellt sech schonn haut, a wäert sech nach eng Kéier verstäerkt nom britesche Referendum stellen, egal wéi de Vote ausgeet. Als Konsequenz vum Vote unanime, ass Europa mat der Vitesse vun deene méi Luese virugaang : mat 28 Stëmmen ass e Konsens net einfach. D’EU ass wéi e Vëlo: wann e stoe bleift, fält en ëm. D’Fro vun den ënnerschiddleche Vitesse koum op, well mat der normaler Vitesse näischt méi virugaang ass, zum Beispill am Fall vum Euro oder dem Schengen Accord.

Fir d’Zukunft ass et wichteg, an Europa manner eis Eegenaarten ze prononcéieren, mee ze sichen, wat mer kënnen zesumme maachen, wat zesumme Sënn mécht.

Capture d’écran 2016-02-15 à 09.59.59

Veröffentlicht unter Politik | Verschlagwortet mit , | Kommentar hinterlassen

Visite du secrétaire général de l’OSCE

24669459025_fcf148c8bd_o

Le Secrétaire général de l’Organisation pour la coopération et la sécurité en Europe (OSCE), Lamberto Zannier, a informé les membres de la Commission des Affaires étrangères et européennes et de la délégation à l’Assemblée parlementaire sur les missions de l’OSCE.

Le monde est confronté à toute une série de défis globaux: terrorisme, migration, changements climatiques… L’OSCE cherche à soutenir la formation de coalitions entre pays pour affronter ces problèmes ensemble. Malheureusement le Secrétaire général a dû constater un retour à des stratégies géopolitiques à un niveau plus vu depuis la fin de la guerre froide. L’OSCE est la plus grande organisation de sécurité régionale du monde. Elle s’appuie également sur un volet parlementaire réunissant des députés de ses États participants.

M. Zannier a e.a. expliqué que la Bosnie-Herzégovine était un projet non encore accompli, qu’il fallait réformer le modèle bosniaque. Il a notamment parlé d’une réelle situation de ségrégation dans les écoles. Le concept des « deux écoles sous le même toit », était une idée de la Communauté internationale: d’un côté, les élèves bosniaques (musulmans) et de l’autre les croates (catholiques). Les négociations s’avèrent compliquées, vu que 17 ministres de l’éducation du pays sont concernés.

M. Zannier a donné aussi un bref résumé de la situation en Ukraine. Les progrès s’y 24041292014_f160221c6b_oannoncent très lentement. Il n’y a pas encore de date pour les élections dans la région du Donbass, les négociations entre séparatistes et le gouvernement s’avèrent difficiles, les réformes annoncées par le gouvernement se font toujours attendre. Une nouvelle constitution, qui devrait être votée début 2016, pour ensuite pouvoir réformer le système judiciaire, risque de ne pas trouver la majorité requise. L’OSCE compte presque 800 observateurs en Ukraine, la moitié étant concentrée à l’est du pays.

 

Veröffentlicht unter Politik | Verschlagwortet mit | Kommentar hinterlassen

L’accord CETA: visite du négociateur en chef du Québec

24514842192_cca165e248_zLe mardi 26 janvier, Monsieur Pierre-Marc Johnson, négociateur en chef du Québec dans le cadre des négociations du projet d’accord économique et commercial global (AECG, plus connu sous l’abréviation anglaise CETA, Comprehensive Trade and Economic Agreement) entre le Canada et l’Union européenne, était en visite à la Chambre des Députés.

Lors de cette visite, Monsieur Johnson a notamment déclaré regretter que les discussions autour du mécanisme d’arbitrage des différends entre investisseurs et États (ISDS) en rapport avec TTIP aient fait oublier l’importance et le contenu de l’accord CETA. Il a ajouté qu’il considérait la réglementation des cours d’arbitrage du CETA comme étant le régime le plus progressiste qui soit. Cependant, il semble aussi comprendre les sensibilités qui ont été éveillées et les réactions qu’ont provoquées ces discussions autour des ISDS.

Le nouveau gouvernement canadien s’est ainsi positionné en faveur d’une signature des accords CETA dans les meilleurs délais et est prêt à ouvrir largement ses marchés publics à l’Europe. Les Canadiens ont, selon Monsieur Johnson, développé une culture de la concurrence et estiment que celle-ci doit aussi bénéficier aux contribuables. Le Canada veut évidemment profiter d’une certaine réciprocité, c’est à dire d’une ouverture des marchés publics européens, mais il s’avère qu’il considère les accords CETA surtout comme une étape lui permettant dans le futur d’obtenir des concessions concernant l’accès aux marchés publics américains.

Les négociations entre le Canada et l’Union européenne sont à présent terminées, du moins 24597004206_50a2042f00_zofficiellement. Le texte est à présent en cours de traduction dans les 23 langues de la Communauté et ces travaux sont très avancés, exception faite de la partie concernant les cours d’arbitrage. Cependant, il est à l’heure actuelle encore impossible de prédire la date de la signature de l’accord CETA.

 

Veröffentlicht unter Politik | Verschlagwortet mit | Kommentar hinterlassen