Wahlsonndeg zu Odessa

De Wahlbureau dee mir eis duerch den Zoufallsprinzip erausgesicht hate fir bei der Ouverture derbäi ze sinn, hat Problemer alles fir 8 Auer opgeriicht ze kréien. Et stounge schonn eng ganz Rei Leit virun der Dier ze waarden, wéi dunn endlech um 20 op 8 alles op senger Plaz war an déi éischt Wieler konnten erakommen.

An engem Wahlbureau zu Odessa

An engem Wahlbureau zu Odessa

Dat war awer och schonn all Onregelméissegkeet, déi mer op eisem Tour duerch eng gutt 10 Wahlbureaue begéint sinn. Am Bezierk Odessa schingt de Wahlprozess friddlech an ouni Tëschefäll iwwert d’Bühn gaangen ze sinn, dat hunn eis am fréien Owend och eis LTOen (Long Time Observer), déi d’Koordinatioun vun der Missioun haten, iwwer Telefon gemellt. All Wieler konnt jee ee Kräiz maache bei engem vun den 42 Kandidate fir de Buergermeeschterposte vun Odessa, bei engem vun den 20 Spëtzekandidaten déi d’Parteien opgestalt hate fir de Gemengerot a bei engem vun de 16 Spëtzekandidate vun der Regioun. D’Bureaue ware vun 8.00 bis 20.00 Auer fir d’Wieler op. D’Leit vun de Wahlbureauen hunn en immens laangen Aarbechtsdag. Si musse schonn um 6.00 AuerCapture d’écran 2015-10-26 à 18.10.59 um Poste sinn, a si däerfen net aus dem Wahlbureau eraus, bis ausgezielt ass. Bei iwwer 2000 Wieler pro Wahlbureau, krute mer gesot, dat ging wéinstens 4 Stonnen daueren, wann alles gutt geet. Natierlech sinn d’Memberen aus de Wahlbureauen, déi net ausgewiesselt ginn, owes midd, an do kann d’Konzentratioun scho mol noloossen.
Mir si just bis 22.00 Auer bei der Auszielung bliwwen, e.a. och well meng Teamkollegin aus der tscheschecher Republik scho Méindeg de Moien um 5 Auer op de Fluchhafe gefuer ass fir heem ze fléien.

Capture d’écran 2015-10-26 à 18.02.13D’Wahlresultat wäert ech an der Press gewuer ginn, an ODIHR/OSCE huet eng Pressekonferenz fir Méindeg am Nomëtteg aberuff, fir eng éischt Evaluatioun vum Oflaf vun de Wahlen ze ginn. Mäi Bericht ass natierlech ee positiven. Gespaant sinn ech iwwert d’Wahlbedeelegung, do sinn d’Meenungen an de Wahlbureaue wäit ausernee gaang. Mir ass opgefall, datt virun allem eeler Leit wiele gaang sinn, do wier ech nawell gespaant, op den Androck richteg ass oder net.

Dieser Beitrag wurde unter Verschiddenes veröffentlicht. Setze ein Lesezeichen auf den Permalink.

Kommentar verfassen

Trage deine Daten unten ein oder klicke ein Icon um dich einzuloggen:

WordPress.com-Logo

Du kommentierst mit Deinem WordPress.com-Konto. Abmelden / Ändern )

Twitter-Bild

Du kommentierst mit Deinem Twitter-Konto. Abmelden / Ändern )

Facebook-Foto

Du kommentierst mit Deinem Facebook-Konto. Abmelden / Ändern )

Google+ Foto

Du kommentierst mit Deinem Google+-Konto. Abmelden / Ändern )

Verbinde mit %s