Odessa een Dag virun de Wahlen

Am Summer ass hei ganz vill lass.

Am Summer ass hei ganz vill lass.

Den Hotel wou mer logéiert sinn, ass 5 km vum Zentrum vun Odessa ewech. Am Summer ass et eventuell interessant hei, well mer no beim Mier a bei enger ganz beléifte Summervakanzenavenue sinn. Elo Enn Oktober sinn et 13°C an déi meescht Geschäfter, Bistroen a Restaurante sinn zou. Schued, Odessa huet méi ze bidden.

Ech war och nach ni op enger Wahlbeobachtermissioun, déi esou schlecht organiséiert war ewéi dës. Et ass mir och onverständlech, firwat mir Interprete vu Kiev mat op Odessa bruecht hunn. De Fliger an d’Ënnerbréngung kaschten dräimol méi wéi déi Leit verdingen. En plus ass et ëmmer een Avantage wann den Interpret d’Géigend kennt, wou mer an d’Wahlbureaue ginn. Dat ass dës Kéier net de Fall.

Well um Samschdeg Mëtteg näischt um Programm stoung, hunn ech mer iwwer Dreizackreisen eng Féierung duerch Odessa organiséiert. Zu Odessa gëtt et ganz vill verschidde Kierchen, eng kleng armenesch Kierch, eng grouss griichesch-orthodox Kierch, eng Synagog, eng Moschee…., alles no beieneen an ouni Problemer.

Restaurant zu Odessa

Restaurant zu Odessa

Odessa ass ëmmer eng ganz international Stad gewiescht, wou Toleranz grouss geschriwwe gouf. Ëmsou méi schrecklech sinn d’Evenementer vum 2. Mee 2014 vun den Awunner erlieft ginn, wéi d’Affrontementer tëschent prorusseschen a proukrainesche Manifestanten eskaléiert sinn an 48 Menschen d’Liewe kascht hunn. Dat waren déi bluddegst Evenementer zu Odessa zanter 1918. Duerno ware nach regelméisseg Explosiounen zu Odessa ze héieren, déi awer ni méi Mënscheliewe kascht hunn, an et sinn och nach ëfters proseparatistesch Demonstratiounen zu Odessa. Am Summer 2014 ware guer keng Touristen zu Odessa, dëse Summer waren der erëm méi do wéi je virdrun.

Wéi ech duerch d’Stroosse vun Odessa gaange sinn, hunn ech wierklech näischt vu Spannunge gespuert. Am Géigendeel, et ware vill Leit ënnerwee, d’Restauranten an d’Caféë ware gutt besicht, et ass gelaacht an diskutéiert ginn.

IMG_9135

IMG_9134

Ee jiddeschen Orchester spillt am Park

Meng Guide huet mer e bëssen aus dem Liewen zu Odessa erzielt. Zum Beispill verdéngt ee Schoulmeeschter hei ronn 150 Euro de Mount, sot si wéi mer grad virun enger Fënster stoungen, wou eng Jeansbox zu deem Präis ausgestallt war. Nieft dem Léierpersonal verdingen och d’Dokteren extrem schlecht. Dofir bréngen d’Leit dem Dokter Sue matt, wann se an d’Ënnersichung ginn. Ganz schwiereg gëtt et, wann ee Familljemember richteg krank gëtt. Da muss d’Famill all Suen zesummekraatzen, fir dem Kranken ze hëllefen. Déi meescht Leit hu méi wéi ee Beruff. D’Privatindustrie bezillt vill besser wéi de Staat. Et gëtt och eng ganz Rëtsch räich Leit zu Odessa. Et ass immens schwéier, d’Korruptioun ze bekämpfen, wann d’Léin esou niddreg leien. Ee Fluchticket vun Odessa op Istanbul kascht schonn zwee Joer laang ongeféier 200€, mä well den Hrivna (déi ukrainesch Währung) esou vill Wäert verluer huet, gëtt et fir d’Ukrainer ëmmer méi deier. Vum 25. Oktober 2015 un, gëtt et keng direkt Fluchverbindunge méi tëschent Russland an der Ukraine, eng Decisioun déi d’Liewe fir eng Rei Leit méi komplizéiert mécht.

Vill Leit verspriechen sech guer näischt méi vun de Wahlen. Si wielen net deen, deem se am meeschte Vertrauen entgéint bréngen, mee deen, deen se als dat klengsten Iwwel gesinn.

Dieser Beitrag wurde unter Politik abgelegt und mit verschlagwortet. Setze ein Lesezeichen auf den Permalink.

Kommentar verfassen

Trage deine Daten unten ein oder klicke ein Icon um dich einzuloggen:

WordPress.com-Logo

Du kommentierst mit Deinem WordPress.com-Konto. Abmelden / Ändern )

Twitter-Bild

Du kommentierst mit Deinem Twitter-Konto. Abmelden / Ändern )

Facebook-Foto

Du kommentierst mit Deinem Facebook-Konto. Abmelden / Ändern )

Google+ Foto

Du kommentierst mit Deinem Google+-Konto. Abmelden / Ändern )

Verbinde mit %s