Lokal- a Regionalwahlen den 25. Oktober 2015: Briefing

Briefung des 57 observateurs que le congrès des pouvoirs locaux et régionaux du Conseil de l’Europe a envoyé en Ukraine

Briefing à Kiev des 57 observateurs que le congrès des pouvoirs locaux et régionaux du Conseil de l’Europe a envoyé en Ukraine

D’Wahlgesetz iwwert d’Reform vun de Lokalwahlen ass réischt de 14. Juli 2015 vum ukrainesche Parlament (Verkhovna Rada) votéiert ginn. Et ware 4 Projeten an der Diskussioun, deen dee schlussendlech zréckbehale gouf, war als leschten deposéiert ginn an ass réischt am Juni 2015 diskutéiert ginn.

Dëst Gesetz gëllt als onausgeräift. Ech hu mer erziele gelooss, datt och ukrainesch Deputéierte Problemer hätten, d’Detailer vun dem Gesetz ze verstoen. Och fir de Wieler dierft et net einfach sinn, den Duerchbléck ze hunn. Kritiséiert gëtt och, dat ganz vill Ukrainer, déi aus de Krichsregioune geflücht sinn (Internally Displaced People, offiziellen Estimatiounen no insgesamt 1,5 Millioune Leit), net kënnen un de Wahlen Deel huelen.

Dës Wahle ginn allgemeng als wichtege Stëmmungsbarometer gesinn. Dat weist och schonn den immense Käschtepunkt vun der Wahlcampagne: 82 mio Dollar hunn d’Parteien an dës Campagne investéiert, dat ass méi wéi bei de Parlamentswahle vun 2014. Wou déi Suen hierkommen ass an der Ukraine net bekannt. Et ass och éischter ongewéinlech, datt OSCE/ODIHR eng Observatioun vu lokale Wahlen an deem Ëmfang maachen, dat weist drop hinn dat och déi international Communautéit dëse Wahlvirgang als immens wichteg aschätzt.

De leschte Minsk Accord huet gehalen, dat huet d’Spannungen erof gesat an d’Missioun vun OSCE/ODIHR méiglech gemeet, och zu Mariopol.

Am Moment gëtt eng nei Verfaassung am Parlament diskutéiert. Wann déi esou ëmgesat gëtt wéi se geplangt ass, da sollen aus den 12.000 regionale Communautéiten, deenen hir Grenzen sech plazeweis iwwerschneiden, der nach just 1500 ginn. Dat heescht och, dat schonn 2017 rëm eng Kéier lokal Wahle virgesi sinn.

De Wahlsystem ass eng Mëschung vu Majorz- an Proporz: et gëtt en Ënnerscheed gemeet

Amaya UBEDA (Legal Senior Officer at Council of Europe- Venice Commission) connaît bien les astuces de la loi électorale ukrainienne

Amaya UBEDA (Legal Senior Officer at Council of Europe- Venice Commission) connaît bien les astuces de la loi électorale ukrainienne

tëschent Gemengen a Regioune mat méi a mat manner ewéi 90.000 Awunner, et gëtt eng 5% Hürd, déi all Partei muss packen, wann se ee Vertrieder wëll gewielt hunn, an et gëtt praktesch keng Nominatioun ouni politesch Partei. Et sinn 134 Parteie fir dës Wahlen enregistréiert, awer nëmmen eng 50 hunn aktiv Wahlcampagne gemeet an eng Doze sinn national representativ.

Et ass virgeschriwwen dat all Geschlecht mat mindestens 30% op de Wahllëschte muss representéiert sinn, mä et gëtt keng Strofe fir déi, déi sech net drun halen. Vun den 209.914 Leit op de Parteilëschte sinn 76.113 Fraen, mä vun den 2739 KandidatInnen fir e Buergermeeschterposten si just 367 Fraen.

Ee vun de Problemer um Wahlsonndeg kéint de Stëmmekaf sinn, well d’Léin an der Ukraine immens niddreg sinn. Déi finanziell Nout kéint d’Bereetschaft eventuell grouss maachen, fir sech e bësse Geld niewelaanscht ze verdingen. Genausou wichteg wéi d’Resultat vun de Wahlen gëtt vun den Experten d’Stëmmung an den Oflaf um Wahlsonndeg ageschat. Duerch d’Komplexitéit vum Wahlsystem an d’Vilfalt vun de Parteien ass et éischter onwahrscheinlech, datt et e klore Gewënner an e klore Verléierer gëtt. Vill Leit an der Ukraine si vun der Politik enttäuscht, sou dat och d’Wahlbedeelegung e wichtege Facteur ass, ënnert anerem, wann et drëm geet ob déi rietsextrem Parteien d’5% Hürd packen oder net.IMG_9074

Dieser Beitrag wurde unter Politik abgelegt und mit verschlagwortet. Setze ein Lesezeichen auf den Permalink.

Kommentar verfassen

Trage deine Daten unten ein oder klicke ein Icon um dich einzuloggen:

WordPress.com-Logo

Du kommentierst mit Deinem WordPress.com-Konto. Abmelden / Ändern )

Twitter-Bild

Du kommentierst mit Deinem Twitter-Konto. Abmelden / Ändern )

Facebook-Foto

Du kommentierst mit Deinem Facebook-Konto. Abmelden / Ändern )

Google+ Foto

Du kommentierst mit Deinem Google+-Konto. Abmelden / Ändern )

Verbinde mit %s