Politesch Situatioun an der Ukraine virun de Regional- a Lokalwahlen

IMG_9060Och wann de 25. Oktober 2015 “just” Regional- a Lokalwahle sinn, da sinn dës Wahlen awer ee Stëmmungsbarometer fir d’Regierungspolitik. D’Situatioun an der Ukraine ass net roseg. Dat dierft dem Poroschenko seng Partei ze spiere kréien, déi allerdings hir Ausgangspositioun gestäerkt huet andeem se mat der Ukrainescher Demokratescher Allianz vum Kiewer Buergermeeschter Witali Klitschko fusionéiert huet. De Sondage no kéint eng Politikerin, déi scho vill Leit ofgeschriwwen haten (e.a. ech), eng Art “come back” feieren: D’Julia Timoschenko mat hirer “Vaterlandspartei”, déi a verschiddene Sondage plazeweis gläichop mat der Poroschenko Partei läit. Si schingt vun hirer schaarfer Kritik, virun allem um Ministerpresident Jazenjuk, ze profitéieren. An de Sondagen ass dem Arseni Jazenjuk seng Volksfront esou schlecht ewech komm, datt hien seng Partei aus dem Renne geholl huet. Virun engem Joer haten si nach 22,2 Prozent vun de Stëmme kritt; Sondage gesinn se haut bei +/- 1 Prozent! Spannend ass natierlech och d’Fro, ob den Oppositiounsblock vun der schwiereger Situatioun an der Ukraine profitéiert. Den Oppositiounsblock ass dat wat vun der Partei vun de Regiounen vum Janukowitsch iwwreg bliwwen ass. Si sinn déi 3. gréisst Partei am Parlament, a virun allem am Osten an am Süde staark vertrueden.

IMG_9062
IMG_9061

 

 

 

An da gëtt et an der Ukraine natierlech och nach lokal Elitten an Oligarchen, déi sech géint all demokratesch a wirtschaftlech Reforme wieren. Dat mécht d’Politik an d’politesch Allianzen alles anescht ewéi transparent. An der Ukraine ass réischt dësen Oktober ee Parteiefinanzéierungsgesetz votéiert ginn, wat an Zukunft fir méi kloer Verhältnisser suerge soll: D’Parteie kréie Sue vum Staat, ginn also méi onofhängeg vu Privatpersounen an Interessegruppen a mussen als Konterpartie publik maachen, vu wiem dat se Sue gespent kréien. D’Regierung huet zwar eng Rei positiv Entwécklunge virzeweisen (Reform vun der Police, manner Scholden am Ausland), mee d’Ukraine ass nach laang net iwwert de Bierg. Eng onofhängeg Justiz gëtt et nach ëmmer net a schingt et och nach esoubal net ze ginn, d’Korruptioun ass a bleift eng Belaaschtung. D’Präisser sinn 2015 ëm ronn 50% geklommen, d’Leeschtung vun der Wirtschaft ass em 12% zréckgaang. D’Präisser fir d’Energie (virum allem de Gas) sinn enorm an d’Luucht gaang. Déi Präisser waren an der Ukraine staark subventionéiert a fänken un sech der Realitéit unzepassen. Fir d’Leit, déi mat Aarbechtslosegkeet an Inflatioun ze kämpfen hunn, ass dat awer keen Trouscht.IMG_9065

Positives gëtt et allerdéngs och aus der Ukraine ze mellen: Zanter dem 1. September 2015
gëtt de Waffestëllstand tëschent de Separatisten an de Regierungstruppen zimlech respektéiert. D’Separatiste waren och d’accord, fir an deene vun hinnen occupéierte Bezierker d’Wahle réischt méi spéit an no ukraineschem Wahlrecht duerchzeféieren. De vill strapazéierten Accord vu Minsk schingt am Moment rëm e bësse méi eescht geholl ze gi wéi an de Méint virdrun.

Dieser Beitrag wurde unter Politik abgelegt und mit verschlagwortet. Setze ein Lesezeichen auf den Permalink.

Kommentar verfassen

Trage deine Daten unten ein oder klicke ein Icon um dich einzuloggen:

WordPress.com-Logo

Du kommentierst mit Deinem WordPress.com-Konto. Abmelden / Ändern )

Twitter-Bild

Du kommentierst mit Deinem Twitter-Konto. Abmelden / Ändern )

Facebook-Foto

Du kommentierst mit Deinem Facebook-Konto. Abmelden / Ändern )

Google+ Foto

Du kommentierst mit Deinem Google+-Konto. Abmelden / Ändern )

Verbinde mit %s