Meeting Yehuda Shaul

~5251624E Freideg, den 19. Juni war de Yehuda Shaul vun der ONG „Breaking the Silence“ a Begleedung vum Nathalie Oberweis vun dem „Comité pour une Paix Juste au Proche-Orient“ an der grénger Fraktioun.

Si goufe vun der Parteipresidentin Françoise Folmer a vu mir empfaangen.

Dës Entrevue war en Deel vun engem reegelméissegen Austausch matt der ONG an dem Yehuda Shaul. Hien huet d’Fraktioun schonn virun engem Joer eemol besicht a wéi „Breaking the Silence“ am Abrëll eng Fotoausstellung an der Abtei Neimünster hat, waren déi gréng och do op Besuch.

D’Ziel vu „Breaking the Silence“ ass et Temoignagen aus dem Gaza Konflikt vun israeleschen Ex-Zaldoten ze sammelen, fir se dann ze verëffentlechen. Sou entsti Bicher wéi déi läscht Publikatioun „This is How We Fought in Gaza“, déi 2015 eraus komm ass, an déi de Yehuda Shaul och kuerz an der Entrevue virgestallt huet.

Den Ex-Zaldot, deen 4 Joer laang an der Arméi war an e.a. am Gaza-Konflikt am Asaz war, huet d’Geleeënheet awer och genotzt, fir e perséinleche Statement iwwert déi aktuell politesch Situatioun rondrëm de Konflikt ze maachen. De Yehuda Shaul huet drop higewisen, datt d’Strategie vun Israel changéiert hätt, datt d’militäresch Ausernanersetzungen ëmmer méi heefeg an méi brutal ginn. Hien argumentéiert dass weider Negociatiounen tëscht Israel a Palästina, sou wéi se bis elo geféiert goufen, ni eng Léisung ervirbrénge kéinten. Dës wieren nëmmen da relevant, wa béid Verhandlungspartner dem Konflikt och wierklech en Enn setze wéilten, wat bannepolitesch Strategien an Israel awer am Moment net erlabe géifen.

Hien plädéiert fir en Enn vun de Verhandlungen tëschent EU an Israel. D’EU soll sech einfach un dat halen, wat an hire Verträg steet, an Israel misst d’Konsequenzen spieren, wann et sech permanent net un international Resolutiounen hält. ~1205752Dat hätten d’Verhandlungen vun deene leschten 30 Joer gewisen, déi ëmmer dat selwecht Resultat haten: Déi Leit, déi sech fir eng 2 Staateléisung a fir een Zesummeliewen tëschent Israeli a Palästinenser am Fridde asetzen, sinn ëmmer rëm enttäuscht an diskreditéiert ginn.
Dës Positioun ass nozevollzéien, awer net esou ganz einfach ze deelen. Wann Verhandlungen net zu engem positiven Resultat féieren, soll een se dann ofbriechen oder weider féieren? Wat fir Israel an Palästina gëllt, misst jo dann och fir Russland an d’Ukraine gëllen, an och fir vill aner Kriseregiounen an der Welt…

 

Dieser Beitrag wurde unter Politik abgelegt und mit verschlagwortet. Setze ein Lesezeichen auf den Permalink.

Kommentar verfassen

Trage deine Daten unten ein oder klicke ein Icon um dich einzuloggen:

WordPress.com-Logo

Du kommentierst mit Deinem WordPress.com-Konto. Abmelden / Ändern )

Twitter-Bild

Du kommentierst mit Deinem Twitter-Konto. Abmelden / Ändern )

Facebook-Foto

Du kommentierst mit Deinem Facebook-Konto. Abmelden / Ändern )

Google+ Foto

Du kommentierst mit Deinem Google+-Konto. Abmelden / Ändern )

Verbinde mit %s