Meeting Annick Pütz

P1060549D‘Annick Pütz, Dänzerin a Choreografin, huet viru kuerzem hiert Danzstéck Hüllen zu Leipzig gedanzt. Een nächste Projet, zesumme mat der Berliner Dänzerin Odile Seitz, ass a Virbereedung a gëtt am Mee zu Gent gewisen. Déi Performance soll och am Summer am Kader vum Trois CL zu Lëtzebuerg op d’Bühn kommen.

Niewent dëse Projeten, gëtt d’Annick awer och Coure fir zäitgenësseschen Danz, Body-Mind Centering© an Danzimprovisatioun. Regelméisseg am Conservatoire du Nord, méi onregelméisseg an och a Form vu Seminairen, z.B. an der Banannefabrik oder an sengem Atelier an den Annexe vum Schlass zu Buerglënster.

D’Konditioune fir eng onofhängeg Dänzerin a Choreografin sinn net einfach. D’Kënschtlerin wënscht sech, och emol Perspektiven iwwert eng méi laang Zäit ze hunn. P1060550De Moment leeft d’Ënnerstëtzung, wann een eng Zouso kritt, fir e bestëmmte Projet am nächste Joer. Eng Ënnerstëtzung fir e Projet iwwert eng länger Period ze hunn (z. B. verdeelt iwwert dräi Joer), sou datt ee kann am viraus plangen a gläichzäiteg och eng gewësse Fräiheet huet, wéini Projete realiséiert ginn, ass leider net méiglech. Woubäi esou e Projet fir d’Annick net nëmmen am Ausschaffe vu Choreographië fir d’Bühn besteet. En laangfristege Projet ausschaffen, bedeit eng Recherche maachen, mat anere Leit zesumme schaffen, sech weiderentwéckelen, seng Erfahrunge kreativ vermëttelen, an natierlech och spannend Forme vu Virstellunge schafen, déi een dann hoffentlech oft engem Publikum ka weisen. Net ëmmer rëm vu vir ufänken, mee eng Démarche iwwert eng méi laang Zäit fannen, dat wier super. Eng grouss Hëllef wier och d’Schafung vu Strukturen, déi d’Artiste géinge professionell ënnerstëtzen, z.B. bei der Vermëttlung vun Optrëtter am Ausland, awer och beim administrativen an organisatoreschen Encadrement rondrëm den eigentleche Bühnenoptrëtt. An der Museksszene hëlleft music:LX a.s.b.l. enorm bei der Vermëttlung. Et gëtt leider nach näischt Vergläichbares an anere Kulturberäicher.

Dieser Beitrag wurde unter Kultur abgelegt und mit verschlagwortet. Setze ein Lesezeichen auf den Permalink.

Kommentar verfassen

Trage deine Daten unten ein oder klicke ein Icon um dich einzuloggen:

WordPress.com-Logo

Du kommentierst mit Deinem WordPress.com-Konto. Abmelden / Ändern )

Twitter-Bild

Du kommentierst mit Deinem Twitter-Konto. Abmelden / Ändern )

Facebook-Foto

Du kommentierst mit Deinem Facebook-Konto. Abmelden / Ändern )

Google+ Foto

Du kommentierst mit Deinem Google+-Konto. Abmelden / Ändern )

Verbinde mit %s