Entrevue APEG an APEL

DSC_3696 (1)

E Mëttwoch hate mir eng Entrevue mat Vertrieder vun der APEG (association professionnelle des éducateurs gradués) an der APEL (association professionnelle des éducateurs luxembourgeois). Mir hunn dräi Themen diskutéiert:

1) D’Erzéier si frou iwwert d’Reform vun der fonction publique. Si kréien hier Beruffer endlech esou unerkannt wéi et soll sinn, dat heescht si kommen an déi Carrière wou se laut hire Studie musse sinn. Net frou sinn se, datt déi Kollegen, déi scho méi laang am Beruff sinn, net esou reklasséiert gin, wéi dat eigentlech misst sinn, an a vergläichbare Fäll an anere Carrièren och ëmmer de Fall war. D’Erzéier waren esouwuel vun der CGFP wéi vun de virechte Regierunge vergiess ginn. Déi nei Regierung huet de Problem geierwt, datt si e léist ass éischter onwahrscheinlech.

2) D’Beruffsfelder vun den Erzéier (éducateur an éducateur gradué) si net definéiert. Dat ass och guer net esou einfach, well et ganz vill Sparte gëtt, wou si schaffen: Schoulen, Maison relais, Foyeren, Altersheimer, Ediff… Dat ass awer och ee Problem, well sech mëttlerweil vill Leit als „Erzéier“ bezeechnen, déi keng entspriechend Diplomer an der Täsch hunn. Am MEN soll sech elo een Aarbechtsgrupp zesumme fannen, fir eng „Jobdescription“ mat de Concernéierten auszeschaffen.

3) Déi nei Mesure vun der Familljepolitik si just kuerz ugeschwat ginn. Hei ass jo nach villes am Vaguen. De Vertrieder vun den Erzéier (a mir selwer) feelt einstweilen déi néideg Phantasie, fir sech ee Konzept vu bilinguale Crèche virzestellen dat an eiser Villsproochegkeet Bestand huet. Mir loossen eis dat gären erklären, genausou wéi mer eis dann och erkläre loossen, wéi een esou ee Konzept praktesch ëmsetze kann.

Dieser Beitrag wurde unter Educatioun, Politik abgelegt und mit verschlagwortet. Setze ein Lesezeichen auf den Permalink.

Kommentar verfassen

Trage deine Daten unten ein oder klicke ein Icon um dich einzuloggen:

WordPress.com-Logo

Du kommentierst mit Deinem WordPress.com-Konto. Abmelden / Ändern )

Twitter-Bild

Du kommentierst mit Deinem Twitter-Konto. Abmelden / Ändern )

Facebook-Foto

Du kommentierst mit Deinem Facebook-Konto. Abmelden / Ändern )

Google+ Foto

Du kommentierst mit Deinem Google+-Konto. Abmelden / Ändern )

Verbinde mit %s