Projet de loi 6670: Entrevue mat Vertrieder vun der UNEL

unelDee selwechten Dag hat ech eng Entrevue mat 2 Vertrieder vun der UNEL.

D’Positioun vun der UNEL resuméiert sech esou:

1) An d’Plaatz vun enger Basisbourse vun 2000€ misst dës Bourse op 4000€ erop gesat ginn.

Dat géing heeschen, datt bei geschätzte 25.000 Studenten d’Bourse de Base net mat 50.000.000€ géing zu Buch schloen, mee dat géing dann 100.000.000€ kaschten. Domatt wier dem Versuch vun der neier Regierung, d’Käschtenexplosioun bei de Studenteboursen an de Grëff ze kréien, direkt een Enn gesat. Dës Käschtenexplosioun huet, menger Meenung no, hiren Ursprong net am Geriichtsuerteel vum europäesche Geriichtshaff, mee an deem net duerchduechte Gesetz vun 2010 ënnert dem deemolegen Héichschoulminister Biltgen.

2) D’Mobilitéitsbourse misst onofhängeg vum Wunnuert bezuelt ginn, wann ee Student kann noweisen, datt e Loyer bezuelt.

D’UNEL seet, datt déi Regelung wéi d’Regierung se virschléit déi Studente benodeelegt, déi op der uni.lu studéieren an net méi doheem wunnen. Benodeelegt ginn och d’Studenten aus de Frontaliersfamillen. Dat gëtt schonn däitlech aus der Fiche financière vum Projet de loi ervir: Bourse de mobilité: Résidents: 25.600.000€; Frontaliers: 1.800.000€. Dobäi misst awer ee Studium op der lëtzebuerger Uni fir d’Frontalieren duerch d’Erasmuscritèren méi attraktiv ginn.

3) D’UNEL Vertrieder hunn sech derfir ausgeschwat, datt esou wuel beim Bachelor wéi och beim Master déi regulär Studienzäit misst kënnen 1 Joer iwwerschratt ginn.

4) D’UNEL hätt gären, datt bei de soziale Critèren fir d’Bourse och d’Zuel vun de Kanner an engem Stot berücksichtegt gëtt.

An engem Informatiouns & Positiounspabeier hat d’UNEL gemengt, de Bäitrag vun der sozial gestaffelter Bourse kéint vun 2500 op 2000€ erofgesat ginn, an d’Zuel vun de Kanner am Stot misst berücksichtegt ginn.

D’Critèren, wien ënnert wéi engen Ëmstänn eng sozial gestaffelt Bourse kritt, musse menger Meenung no iwwerschafft ginn.

Datt d’UNEL gemengt huet, et kéint een de Montant vun der sozial gestaffelter Bourse erofsetze wonnert mech. Aktuell steet et esou am Projet de loi:

Bourse sur critères sociaux: la bourse sur critères sociaux est accessible à l’étudiant qui satisfait aux critères des articles 3 et 4 de la présente loi et dont le revenu total des personnes ayant l’obligation d’entretien est inférieur ou égal à quatre virgule cinq fois le montant brut du salaire social minimum pour non qualifiés. Les montants, par année académique, des sous-catégories de bourses sur critères sociaux sont échelonnés comme suit :

a) revenu inférieur à une fois le salaire social minimum pour non qualifiés : deux mille cinq cents euros ;

b) revenu compris entre une fois et une fois et demie le salaire social minimum pour non qualifiés: deux mille euros ;

c) revenu compris entre une fois et demie et deux fois le salaire social minimum pour non qualifiés: mille euros ;

d) revenu compris entre deux fois et trois fois et demie le salaire social minimum pour non qualifiés: sept cent cinquante euros ;

e) revenu compris entre trois fois et demie et quatre fois et demie le salaire social minimum pour non qualifiés : cinq cents euros.

Ee Student, deen aus enger Famill kënnt, wou de Revenu ënnert dem SSM läit, d.h. ënnert 1.921,03 euros (indice 775,17 au 1er janvier 2014) soll net 2500€ zousätzlech Bourse kréien, mee nëmmen 2000€?

Dës Positioun grad ewéi déi, datt de Prêt misst op 5000€ begrenzt sinn, ass net méi um Site vun der UNEL ze fannen.

Dieser Beitrag wurde unter Educatioun abgelegt und mit verschlagwortet. Setze ein Lesezeichen auf den Permalink.

Eine Antwort zu Projet de loi 6670: Entrevue mat Vertrieder vun der UNEL

  1. Chantal Reiser schreibt:

    T’Schreft ass ob emol ganz grouss bei dengem Beitrag:) Ass dat esoiu gewollt?

Kommentar verfassen

Trage deine Daten unten ein oder klicke ein Icon um dich einzuloggen:

WordPress.com-Logo

Du kommentierst mit Deinem WordPress.com-Konto. Abmelden / Ändern )

Twitter-Bild

Du kommentierst mit Deinem Twitter-Konto. Abmelden / Ändern )

Facebook-Foto

Du kommentierst mit Deinem Facebook-Konto. Abmelden / Ändern )

Google+ Foto

Du kommentierst mit Deinem Google+-Konto. Abmelden / Ändern )

Verbinde mit %s