Bourses pour étudiants : Juni/Juli 2013

Richterhammer und EU-FahneDen europäeschen Geriichtshaff huet den 20. Juni 2013 geuerteelt, datt mer net einfach d’Frontallier’en aus  dem Genoss vun enger Studienbäihëllef kéinten ausschléissen. (La CJUE estime que „la réglementation luxembourgeoise contestée, la loi du 26 juillet 2010 sur l’aide financière de l’Etat pour études supérieures, va au-delà de ce qui est nécessaire pour atteindre l’objectif poursuivi par le législateur“…, pour conclure que la réglementation en question est contraire au principe de la libre circulation des travailleurs. Source : exposé des motifs du PL 6585)

De System vun de Studentenbäihëllefen, esou wéi en am Gesetz vun 2010 festgeluecht gouf, ass also net konform zu den EU-Richtlinnen. Dat hunn d’Gewerkschaften vun Ufank un gesot, dat war och een Deel vun eiser Argumentatioun. Trotzdem hat d’Regierung kee Plang b prett, fir wann d’Uerteel géing negativ ausfalen. Duerfir hu mir, erëm eng Kéier ënnert engem immensen Zäitdrock, den 9. Juli 2013 e puer Ofännerungen vum Gesetz vun 2010 debattéiert an gestëmmt (respektiv net gestëmmt).P1010519

Fir eng gewëss Rechtssécherheet fir d’Studenten ze schafen sinn zwee weider Punkten am modifizéierten Gesetz iwwert staatlech Hëllefen fir Studenten bäigesat ginn.

1)       Hëllef kënnen och déi Studenten ufroen, déi net am Land wunnen, ënnert dëser Bedingung : Et handelt sech em een   « enfant d’un travailleur … ressortissant de l’Union européenne … et que ce travailleur ait été employé au Luxembourg pendant une durée ininterrompue d’au moins cinq ans au moment de la demande de l’aide financière pour études supérieures par l’étudiant. »

Dat ass déi direkt Reaktioun op d’Geriichtsuertel. Problematesch fannen ech d’Formulatioun „une durée ininterrompue“. Dat ass eng onflexibel Formulatioun, déi Leit ausschléisst well se am Chômage waren, well se eng (kuerz) Ënnerbriechung vun hirem Aarbechstverhältnis haten oder pensionéiert sinn.

2)       Well Studenten jo och an hirem jeeweilegen Nopeschland kënnen Studentenhëllefen ufroen, däerfen se déi Hëllefen net cumuléieren. „L’aide financière allouée sur le fondement de la présente loi n’est pas cumulable avec les aides financières équivalentes qui seraient versées dans l’Etat de la résidence de l’étudiant.“

Dovun ofgesinn, datt et net evident ass, wéi eng Dokumenter déi Studenten mussen erbäi bréngen, war et anscheinend aus zäitleche Grënn och net méiglech, d’Kannergeld, wat an der Belsch an an Däitschland bis 25 Joer ausbezuelt gëtt an a Frankräich bis 20 Joer, mat an dës anti-cumul Bestëmmung anzebréngen.

Esou komme mer an déi cocasse Situatioun, datt d’Kanner vun de Frontalieren besser ewech kommen, wéi d’Kanner vun de Résidenten: bei deenen engen kréien d’Elteren zousätzlech Kannergeld, bei deenen aneren gëtt et kee Kannergeld méi.

Och den finanzielle Volet vun der Ännerung ass alles anescht ewéi kloer. An der fiche financière vum Gesetz steet einfach et géingen 13.875 Kanner vun Frontalier’en ginn, déi fir dës Hëllef a Fro kéimen, dat géing dann pro Semester ronn 45.000.000 Milliounen Euro kaschten. Déi Zuelen sinn allerdéngs net beluecht, an et ass och nët beluecht wéivill Elteren d’Konditiounen erfëllen, fir datt hier Kanner iwwerhaapt an de Genoss vun enger Bäihëllef vum lëtzebuerger Stat kommen. D’Fro, ob déi Hëllefen och retroaktiv mussen ausbezuelt ginn ass net gekläert. Wahrscheinlech kréien déi Leit, déi eng Plainte géint d’Gesetz vun 2010 gemeet hunn, d’Hëllefen ausbezuelt, déi Leit déi keng Plainte gemeet hunn, ginn eidel aus. D’Moral vun der Geschicht: Wann der net mat enger Décisioun d‘accord sidd, da maacht mol léiwer direkt eng Plainte! Wat 2010 als Spuermoossnahm vun der Majoritéit décidéiert gouf, huet sech zu engem enormen Käschtepunkt entwéckelt.

Dieser Beitrag wurde unter Educatioun abgelegt und mit verschlagwortet. Setze ein Lesezeichen auf den Permalink.

Kommentar verfassen

Trage deine Daten unten ein oder klicke ein Icon um dich einzuloggen:

WordPress.com-Logo

Du kommentierst mit Deinem WordPress.com-Konto. Abmelden / Ändern )

Twitter-Bild

Du kommentierst mit Deinem Twitter-Konto. Abmelden / Ändern )

Facebook-Foto

Du kommentierst mit Deinem Facebook-Konto. Abmelden / Ändern )

Google+ Foto

Du kommentierst mit Deinem Google+-Konto. Abmelden / Ändern )

Verbinde mit %s