Mir ginn also den 20. Oktober 2013 wielen.

Nom Vote vum Rapport vun der Enquêtekommissioun war et kloer: Neiwalen!

Nom Vote vum Rapport vun der Enquêtekommissioun war et kloer: Neiwalen!

Ech hunn eng Zäit laang net un Neiwalen gegleeft. Dat ass jo och éischter een raren Phänomen zu Lëtzebuerg. Wéi ech awer no dem Vote vum Rapport vun der Enquêtekommissioun (5. Juli) déi verschidden Deklaratiounen live mat erlieft hat, wosst ech, datt et géingen Neiwalen ginn.

Den Datum vum 20. Oktober war och du schonn den wahrscheinlechsten. Den hin an hier bis dësen Datum konnt festgehal ginn, huet déi politesch Institutiounen hei am Land an engem éischter schlechten Liicht gewisen. Eng Reform vun eiser Konstitutioun ass net just eng kosmetesch Operatioun mee eng dringend Noutwennegkeet.

Wéi et zu dëse Walen komm ass, dat ass schonn oft beschriwwen an kommentéiert ginn. Elo heescht et, d‘ Wieler sollen décidéieren, wéi et politesch weider geet. D‘ Wieler zu Lëtzebuerg, dat sinn ronn 56% vun de Résident’en iwwer 18 Joer, an eng Minoritéit vun de Leit déi hei am Land schaffen, hunn de Choix! Keng Partei schléisst iergend eng Koalitioun ausdrécklech aus. Verschidden Koalitiounen sinn awer éischter onwahrscheinlech (gemeet ginn). Den 10. Juli hat den Premier (endlech) festgestallt, datt déi aktuell Regierung um Enn wier. Den 11. Juli hat d’CSV décidéiert, datt si keen neien Ufank wéilt maachen, mee mat dene selwechte Leit wéilt weider regéieren. Dat war och schon eppes wéi eng Koalitiounsausso. Logesch wier eng Koalitioun vun LSAP, déi gréng an DP,méiglech ass a mengen Aen och eng Koalitioun vun CSV an DP. An well et oft am Liewen ganz anescht kënnt wéi ee mengt, halen ech elo ze spekuléieren.

Déi politesch Parteien haten hier Programmer an hier Lëschten schonn fir den Mee 2014 an der Aarbecht. Elo geet dann alles e bëssse méi séier, mee dat dierft fir keng Partei problematesch sinn.

déi gréng zu Contern

déi gréng zu Contern

Déi Leit, déi mat an d’Walen ginn, weisen sech verstäerkt an der Ëffentlechkeet. Dat ass och richteg esou, den Kontakt mam Bierger mécht een jo net doheem an der Stuff. An awer hoffen ech, datt de Walkampf, deen méi kuurz wéi gewinnt a vläicht och méi spannend gëtt, sech nët op d’Optrëtter op Fester an Aweiungen reduzéiert, mee datt sech inhaltlech mat wichtegen Themen ausernee gesat gëtt.

Meng Dossieren waren a sinn virun allem Schoul, Héichschoul, (nei) Medien an Kultur, an dorop wëll ech mech och an den knapp dräi Méint bis zu de Walen konzentréieren.

Dieser Beitrag wurde unter Politik abgelegt und mit verschlagwortet. Setze ein Lesezeichen auf den Permalink.

2 Antworten zu Mir ginn also den 20. Oktober 2013 wielen.

  1. SCHOLTES PIERRE schreibt:

    Ech gi sécher NET den 20. Oktober 2014 wielen

  2. clauderadam schreibt:

    Ech och net. Sorry fir den falschen Joergang.

Kommentar verfassen

Trage deine Daten unten ein oder klicke ein Icon um dich einzuloggen:

WordPress.com-Logo

Du kommentierst mit Deinem WordPress.com-Konto. Abmelden / Ändern )

Twitter-Bild

Du kommentierst mit Deinem Twitter-Konto. Abmelden / Ändern )

Facebook-Foto

Du kommentierst mit Deinem Facebook-Konto. Abmelden / Ändern )

Google+ Foto

Du kommentierst mit Deinem Google+-Konto. Abmelden / Ändern )

Verbinde mit %s