Miersch: Alt rëm Containeren!

IMG_4276D’Wiel vun verschiddenen neien Schoulmeeschteren an Léierinnen war den éischte Punkt um Ordre du jour vum  Mierscher Gemengerot vum 10 Juni 2013. Eigentlech gëtt do de Gemengerot fir domm verkaaft. Mir däerfe Leit wielen, déi net wierklech wëllen op Miersch kommen -an da wahrscheinlech och guer net untrieden. Fir vill Posten ass guer kee Kandidat do… Dat ass schonn eng zimlech onnëtz Geschicht. Op der zweeter Lëscht am Juli ginn dann all Posten, déi nach iwwereg sinn vum MENFP besat.

Als 2. Punkt stoung d’Verlängerung vun der Iwwerschaffung vum PAG um Programm, ee Punkt den bei praktesch alle Gemengen aus dem Land ëm dës Zäit op de Lee steet.

Beim Punkt 5 ass et drëm gaangen, fir eng Rei Fënsteren an der Crèche zu Rolleng ze ersetzen (30.000€ TTC). Déi Fënsteren, all op der Reesäit, sinn an engem schlechten Zoustand, an mir zweiwelen och net drun, datt se mussen ersat ginn. Mir hu gefrot, op dann déi Crèche och op hiren energeteschen Zoustand gepréift gi wier. Wa mer elo nei Fënsteren asetzen, da gi mer jo bestëmmt net an e puer Joer eng Isoléierfassade maachen. Et si jo och Suën am Budget virgesinn fir energetesch Sanéierungen. De Schäfferot hat sech do leider keng Gedanken driwwer gemeet, an duerfir hu mir eis beim Vote enthal.

Och beim 8. Punkt: „Approbation du projet avec devis pour le renouvellement partiel de la canalisation dans la rue Nic Welter à Mersch“ hat de Schäfferot sech net genuch Gedanke gemeet. Si wollten Suen spueren an hunn just een Deel vum Projet wollten realiséieren. Do war awer den Ofwaassersyndikat SIDERO net frou driwwer an ass intervenéiert. Du war de Schäfferot rëm net méi sécher wat déi richteg Léisung wier. Op meng Propose hin ass de Projet vum Ordre du jour geholl ginn an soll elo an enger nächster Sëtzung, mat den néidegen Erklärungen, erëm kommen.

P1020727Beim 9. Punkt „Approbation du projet avec devis pour l’aménagement de structures modulables provisoires près de l’Ecole Jean Majerus à Mersch“ (45.000€) a beim 10. Punkt „Location de structures modulables provisoires (16.000€ pro Joer), hunn déi gréng dergéint gestëmmt. Mir sinn der Meenung, datt et misst méiglech sinn, fir och 3-4 Joer mat enger Klass manner iwwerbréckt ze kréien. Esou laang dauert et, bis déi nei Maison Relais mat Schoulsäll gebaut ass. D’Kannerzuelen sinn zu Miersch zimlech stabil, d’Moyennen vun de Klassen géingen eiser Meenung no duerchaus eng Klass manner erlaben. Do derbäi kënnt, datt d’Gemeng Miersch an de leschte Joeren zimlech vill Containeren opgeriicht huet: All Maison Relais ass an engem Container, all déi Containeren sinn als provisoresch votéiert ginn, an all déi Containeren riskéieren eng ganz laang Zäit stoen ze bleiwen. Dëse Container bei der Spillschoul verklengert den Schoulhaff, ass net schéin, net noutwenneg a Kascht vill Suen.

 

Dieser Beitrag wurde unter Politik abgelegt und mit verschlagwortet. Setze ein Lesezeichen auf den Permalink.

Kommentar verfassen

Trage deine Daten unten ein oder klicke ein Icon um dich einzuloggen:

WordPress.com-Logo

Du kommentierst mit Deinem WordPress.com-Konto. Abmelden / Ändern )

Twitter-Bild

Du kommentierst mit Deinem Twitter-Konto. Abmelden / Ändern )

Facebook-Foto

Du kommentierst mit Deinem Facebook-Konto. Abmelden / Ändern )

Google+ Foto

Du kommentierst mit Deinem Google+-Konto. Abmelden / Ändern )

Verbinde mit %s