chamber tv

CHD Aktuell_TR Sproochen  030613 010

Méindeg, den 3. Juni 2013, huet d’Chamber TV eng Emissioun iwwert d’Sproochenproblematik an eise Schoulen iwwerdroen. Déi Debatt war ganz bewosst lassgeléist vun der Dagesaktualitéit (Lycéesreform, Reform vun der Fonction publique…). Mir hätt et natierlech och Spaass gemeet, fir dës Themen op dëser Plattform unzeschwätzen, mee et war net u mir, fir den „ordre du jour“ ze bestëmmen.

Op enger „Table ronde“ ginn keng Problemer geléist, et kann awer interessant sinn, Problemer ze beschreiwen, ze definéieren, an Léisungsproposen opzeweisen an kontradiktoresch ze diskutéieren.

Lëtzebuerg ass net dat eenzegt Land, dat vun der Villsproochegkeet erausgefuerdert ass, mee bei eis ass déi Erausfuerderung wéinst enger ganzer Rei Donneeën awer eng zimlech spezifesch.

-Mir hunn 3 offiziell Sproochen, déi sech net op Regiounen begrenzen, mee am ganze Land mateneen funktionéieren. Déi Sproochen spillen ënnerschiddlech Rollen, wat zum Deel historesch bedingt ass.

– Lëtzebuerg ass een Awannerungsland, vill Leit déi zu Lëtzebuerg liewen a schaffen hunn een anere Schoulsystem duerchlaf. All Joer kommen nach ronn 10000 Leit op Lëtzebuerg, zum Deel mat Kanner am schoulpflichtegen Alter.

– Um Aarbechtsmaart ass eng grouss Zuel vun Frontalieren, déi aner sproochlech Kenntnisser  hunn, wéi déi Schüler, déi den Lëtzebuerger Schoulsystem duerchlaf hunn.

Op der Table ronde hunn ech fir déi gréng eis Grondpositiounen vertrueden:

– Mir mussen d’Kanner fréi förderen, och sproochlech fréi förderen. Mir hunn vun Ufank un, an och nach haut, Zweifel, op den Précoce, also eng schoulesch Institutioun, déi eenzeg richteg Äntwert op d’Fréiförderung ass. Mir gesinn och eng ganz Rei Nodeeler, wa mer Kanner scho mat 3 Joer an eng schoulesch Institutioun stiechen. Mir stelle fest, datt d’Offer vum  Précoce iwwert d’Land verschidden ausgesäit, a mir wëssen net wéi eng Offer dann elo wierklech déi bescht fir d’Kanner ass. Mir wëssen och net, wien déi 20% Kanner sinn, déi net an de Précoce ginn, an ob déi de Précoce net vläicht am néidegsten ginge brauchen.

– Esou laang wéi d’Kanner schoulpflichteg sinn, mussen se déi 3 Sproochen, déi mer am Land hunn, léieren, do derbäi kënnt dann och nach déi englesch Sprooch, déi international ëmmer méi eng wichteg Roll kritt.

– Mam Alter vun 15 oder 16 Joer, misst kënnen eng (oder méi) Sproochen zur enger méiglechst grousser Perfektioun geléiert ginn. Well mer awer och nach Mathe an Naturwëssenschaften mussen léieren, geet dat fir eng Rei Kanner/Jugendlecher just, wann eng (oder méi) Sprooch(en) op méi engem nidderegen Lewell däerf(en) geléiert ginn. D’Reform vum Secondaire, wéi se am Moment geplangt ass, dréit dem am Secondaire général (bis elo nach den Technique) Rechnung, am Secondaire classique awer net.

– Et ass och d’Alphabetiséierung op Franséisch ugeschwat ginn. Jidefreen huet gewarnt, datt mer gingen riskéieren eis Gesellschaft an zwee ze splécken, wa mer d’Méiglechkeet vun enger Filière, déi mat Franséisch ufänkt, an eiser Schoul gingen zouloossen. Mir gesinn dat méi nuancéiert: Natierlech besteet déi Gefor, an ech wëll dat net minimiséieren. Et ass och richteg, datt déi mannst Kanner bei eis Franséisch als Mammesprooch hunn, an datt Franséisch a Portugiesesch net datselwecht ass. Trotzdem: Mir bedaueren, datt d’école française zu Walfer zou gemet gëtt. Mir gingen ee Projet vun enger Schoul,  wou déi eng Kanner eng Alphabetiséierung op F. ginge maachen, déi aner eng op D., mam Ziel nom Cycle 4 op dem selwechten Niveau an denen zwou Sproochen ze sinn, als sënnvoll betruechten. An de Fait, datt z.B. am Régime préparatoire ronn 80% vun de Schüler ee Migratiounshannergrond hunn, am Lycée classique awer manner ewéi 20%, weist, datt mer och haut schonn een Ongläichgewiicht hunn. Wann d’ëffentlech Schoul net reagéiert, da schécken ëmmer Leit, déi sech et leeschte kënnen, hier Kanner an eng international Schoul oder an eng Schoul an engem Nopeschland.

CHD Aktuell_TR Sproochen  030613 008b

Dieser Beitrag wurde unter Politik abgelegt und mit verschlagwortet. Setze ein Lesezeichen auf den Permalink.

Kommentar verfassen

Trage deine Daten unten ein oder klicke ein Icon um dich einzuloggen:

WordPress.com-Logo

Du kommentierst mit Deinem WordPress.com-Konto. Abmelden / Ändern )

Twitter-Bild

Du kommentierst mit Deinem Twitter-Konto. Abmelden / Ändern )

Facebook-Foto

Du kommentierst mit Deinem Facebook-Konto. Abmelden / Ändern )

Google+ Foto

Du kommentierst mit Deinem Google+-Konto. Abmelden / Ändern )

Verbinde mit %s