83. Rose Roth Seminar vum Natoparlament zu Tbilisi

P1020547Den 83. Rose Roth Seminar vum Natoparlament zu Tbilisi hat seng Ziler esou beschriwwen:

 The seminar, which follows the legislative elections of 2012, will adress the consolidation of Georgia’s democracy and its reform agenda in the context of its integration into the Euro-Atlantic institutions. The seminar will also adress the developments in North Caucasus, the prospects of reconciliation of Armenia and Azerbaijan and the contribution of civil society to democraty and stability in the South Caucasus.

 An Georgien ass et no den Parlamentswalen vum 1. Oktober 2012 zu engem politeschen Wiessel komm. Een Bündnis vun Oppositiounsparteien (Georgian Dream) huet 55% vun de Stëmme kritt an d’Regierungspartei vum Mikheil Saakachvili  ofgeléist.

Den Saakachvili, dem säin Mandat am Oktober 2013 ausleeft, hat a westlechen Länner zimlech vill Ënnerstëtzung fonnt. Hien ass als Reformer an Demokrat betruecht ginn, e.a. well hien een däitlechen prowestlechen Kurs ageschloen hat.

P1020535Der neier Regiirung ass am Ufank mat vill Skepsis begéint ginn. Hieren  Chef, den Bidzina Ivanichvili, war politesch een Onbekannten. Et war haaptsächlech bekannt, datt hien Milliardär war (153e fortune mondiale en 2012), an seng Suen a relativ kuerzer Zäit an Russland verdéngt hat.

E puer Méint nodeems déi nei Regierung am Amt ass, kritt se eng zimlech gutt Zensur ausgestallt. De Wëllen zu weideren Reformen gëtt allgemeng unerkannt, besonnesch och wat d’Reform vum Justizapparat betrëfft. D’Efforten fir d’Korruptioun ze bekämpfen schingen weider ze goen an déi Erfolleger aus der leschter Zäit ginn net a Fro gestallt. Georgien ass 2012 op déi 51. Plaatz am „Transparency International Corruption Perception Index” komm, wat fir dës Géigend vun der Welt een zimlech gudde Wäert ass.

karte_4Problemer am Südkaukasus gëtt et natierlech eng ganz Rei, vun enger grousser geopolitescher Envergure sinn awer virum allem dës 3 Krisepunkten:

Abchasien,

Süd-Ossetien,

Berg-Karabach.

Doriwwer kann een natierlech op villen Platzen villes noliesen. Interessant ass och, datt an Georgien mëttlerweil dem Saakachvili seng Interventioun vun 2008 kritesch hannerfrot gëtt. Iwwerhaapt, et ass relativ vill u sengem Lack gekraazt ginn, an Meenungsëmfroen gesinn seng Partei weiderhin an engem Negativ-Trend. Bei den Debatten op der Konferenz ass däitlech ze spieren, datt dës Partei nach ëmmer ënnert dem Schock vun enger verluerener Wal steet, an ganz oft vun gudden eegenen Leeschtungen an der Vergaangenheet geschwäermt gëtt an d’Diskussioun éischter emotionell wéi op Inhalter gefouert gëtt. Politesch Cohabitatioun ass meeschtens net einfach, an Georgien schingt se extra schwéier ze sinn.

Eeneg sinn sech all politesch Kräften, datt d’Zukunft an Georgien sech no Westen riicht. Den Schewardnadse hat virun 10 Joer bei der NATO-Diir ugeklappt, virun 5 Joer huet et fir den Saakachvili geheescht d’NATO-Dir ass fir Georgien op. Haut froen Ivanichvili an Usupachvili: Kënne mer dann elo duerch déi Diir eragoen? Fir sii ass d’NATO net just ee Militärbündnis, mee virun allem eng politesch Allianz, déi kéint hëllefen, d’Demokratie am Land ze festegen.

Wat d‘NATO Memberschaft betrëfft: Do stellt Russland sech queesch, schon alleng well Georgien net lassgeléist vun Azerbaijan an Armenien gekuckt ka ginn.

Grouss sinn och d‘Problemer vun Mobilitéit an der Géigend: näischt leeft ouni Visa, an den Krisegebidder ass d’Mobilitéit natierlech nach méi ageschränkt. Georgien mécht do eng innovativ Politik: Sie froen den Awunner vun hieren Nopeschlänner kee Visa méi vir an d’Land ze kommen, obschonn sie selwer mussen ee Visa ufroen fir an déi Länner anzereesen.

P1020563Ketevan Tsikhelashvili (Deputy State Minister of Georgia for Reintegration), huet eng zimlech pragmatesch Approche: Manner Propaganda, manner politesch Statements, mee probéieren, d’Situatioun vun de Leit an de betraffene Gebidder ze verbesseren: Handel neess beliewen, Zougang zu medezineschen Institutiounen, Zougang zu Edukatioun. Sie stellt haut däitlech méi Toleranz an Versteestemech fir d’Komplexitéit vun der Situatioun wéi nach virun 20 Joer fest. Et wier wichteg, datt d’EU an der Géigend engagéiert bleiwt, spillt hei eng positiv, stabiliséierend Roll. D’Situatioun vun de Leit déi aus hierer Heemcht verdriwwe gi sinn bleiwt weiderhinn ongeléist. Et wier méi richteg vun enger „long time conflict transformation“ ze schwaetzen wéi vun enger „conflict resolution“. Déi nei Regierung wëll däitlech op eng Deseskalatioun setzen.

D’Europäesch Unioun huet sech am Südkaukasus zimlech vill engagéiert. Engersäits well mat der Osterweiterung och de Südkaukasus méi no bei d’EU geréckelt ass, anerersäits muss een awer och feststellen, datt d’EU een handfesten ekonomeschen Interessi (Energieversuergung) un der Géigend huet.

Interessant Evenementer an näechster Zukunft sinn d’Präsidentschaftswalen am Oktober 2013 an d’Olympesch Spiller zu Sotchi, eng russesch Stat am Kaukasus (Schwaarzt Mier), net wäit ewech vun Georgien.

 

 

Dieser Beitrag wurde unter Politik abgelegt und mit , verschlagwortet. Setze ein Lesezeichen auf den Permalink.

Kommentar verfassen

Trage deine Daten unten ein oder klicke ein Icon um dich einzuloggen:

WordPress.com-Logo

Du kommentierst mit Deinem WordPress.com-Konto. Abmelden / Ändern )

Twitter-Bild

Du kommentierst mit Deinem Twitter-Konto. Abmelden / Ändern )

Facebook-Foto

Du kommentierst mit Deinem Facebook-Konto. Abmelden / Ändern )

Google+ Foto

Du kommentierst mit Deinem Google+-Konto. Abmelden / Ändern )

Verbinde mit %s