Louisa Marie Summer am Pomhouse vum CNA

P1020495Samschden de Moien war de Vernissage vun der Ausstellung „JENNIFER’S Family“ vum Louisa Marie Summer.

Dat war déi éischt Ausstellung am Pomhouse vum CNA zu Diddeleng. Den Jean Back, Direkter vum CNA, huet a senger Usprooch och erkläert wéi et grad just zu dëser Ausstellung komm ass. New York, Workshop an Dockendorff sinn mol Wierder déi gefall sinn, den Zoufall war och e bëssen am Spill.

P1020506Op d’Pomhouse sech fir esou Zwecker eegent, dat wäert sech an der Zukunft erausstellen. Et ass relativ kleng, d’Ausstellungsfläch ass ganz begrenzt . Datt et net „doud“ renovéiert gouf dréit zum Charme vun der Raimlechkeet bäi, an duerfir  muss een eben a Kaf huelen, datt  et z.B. net permanent gehëtzt ass. Mat Sécherheet ass d’Pomhouse ze gebrauchen fir „Partyevents“ z’organiséieren, an et hat sech och bei dem Vernissage e bësse Partystëmmung breet gemeet.

D’Louisa Marie Summer ass eng jonk däitsch Fotografin, déi zu New York studéiert huet an och di meeschten Zäit do liewt.

D’Ausstellung  „JENNIFER’S Family“ weist Fotoen vun enger jonker Frau, dem Jennifer, eng Emigrantin aus dem Puerto Rico (an zweeter Generatioun), déi d’Louisa zu South Providence, Rhode Island, kennen a schätze geléiert huet. De géigesäitege Respekt huet et der Fotografin erlaabt, en zimlech intimisteschen Abléck an d’Liewen vum Jennifer an senger Famill ze kréien.

“Avec ce travail, Louisa Marie Summer a voulu donner la parole à des individus qui affrontent quotidiennement la pauvreté et le désespoir. L’artiste est convaincue que l’image photographique, si tant est qu’elle soit honnête et empathique, joue un rôle important en tant que manifestation d’une « conscience sociale » susceptible de sensibiliser le grand public, tout au moins de changer son regard.” (CNA)

Domat ass dann och den Lien hiergestallt zu der permanenter Ausstellung am Waassertuerm: The Bitter Years, déi läescht Ausstellung, déi den Edward Steichen 1962 fir den MoMA zusummegestalt hat. Dee Lien ass dem Daniela Del Fabbro, Commissaire vun der Expo, op alle Fall gegléckt.

Zu Diddeleng ass nëmmen eng relativ kleng Auswiel vun de Fotoen ausgestallt. Um Site vun der Fotografin um Internet kritt een ee gudden Androck vun hierem Wierk, an et gëtt d’”Jennifer’s Family“och als Fotobuch.

Genee esou  interessant fannen ech dem Louisa seng Biller aus Georgien: „Youth in the Republic of Georgia„. Engersäits, well déi Biller mech vum Sujet hier uspriechen, an natierlech och, well ech grad just haut zu Tiflis, an der Haaptstad vun Georgien, ukomm sinn. P1020501

Dieser Beitrag wurde unter Kultur abgelegt und mit verschlagwortet. Setze ein Lesezeichen auf den Permalink.

Kommentar verfassen

Trage deine Daten unten ein oder klicke ein Icon um dich einzuloggen:

WordPress.com-Logo

Du kommentierst mit Deinem WordPress.com-Konto. Abmelden / Ändern )

Twitter-Bild

Du kommentierst mit Deinem Twitter-Konto. Abmelden / Ändern )

Facebook-Foto

Du kommentierst mit Deinem Facebook-Konto. Abmelden / Ändern )

Google+ Foto

Du kommentierst mit Deinem Google+-Konto. Abmelden / Ändern )

Verbinde mit %s