Evaluatioun vum neien BScE

Den zweeten externen Rapport vun der Uni Lëtzebuerg ass jo schonn am Mäerz der Press virgestallt ginn. Nei, an nach net definitiv fäerdeg gestallt, ass eng Evaluatioun vum BScE, also dem Bachelor vun der Formatioun vun den Schoulmeeschteren an Léierinnen zu Walfer.
Der neier Équipe déi den BScE reforméiert, ass eng relativ gutt Zensur ausgestallt ginn. Och wann nach net alles perfekt ass, da sinn awer am Verglach zum éischten Rapport eng ganz Rei Fortschrëtter gemeet ginn. Virun allem wat den Encadrement vun de Stagen betrëfft, kritt d’Uni eng besser an däitlech méi professionell Approche beschäinegt. Och d’Zesummenaarbecht mat de Leit um Terrain, also dem Léierpersonal an de Schoulen, ass däitlech besser wéi an den éischten Joeren vun der Unis-Formatioun.
Problemer bestinn awer och nach ëmmer. Esou ass d’Astellungspolitik nach ëmmer zentral vun der Uni aus gesteiert an dréit vill méi der Fuerschung Rechnung wéi dem Enseignement. An och wann beim BScE vill Effort’en wat d’Verbesserung vun der Kommunikatioun betrëfft, gemeet ginn, sou bleift och hei, wéi am ganzen Unisbetrieb, nach vill ze dinn: Déi intern Kommunikatioun ass jo een vun den gréissten Defiziter vun eiser Uni insgesamt. Och wat den Feedback vun de Studenten iwwert de Léierbetrieb ugeet, ass nach villes am Onkloeren: D’Studenten hunn zwar d’Méiglechkeet, hier Couren ze kommentéieren, notzen déi Méiglechkeet awer kaum. An déi wéineg Feedbacken schéngen op kenger Plaz debattéiert ze ginn, an zéien duerfir och keng Konsequenzen no sech.
Déi auslännesch Experten hunn drop higewisen, datt et ganz schwiereg ass, een Brevet unzebidden, den befähegt, d’Schüler vun 3 bis 15-16 Joer oder esou guer nach driwwer, z’enseignéieren. Op mer allerdéngs bereet sinn, dës lëtzebuerger Iddi (ech kennen keen Schoulsystem am Ausland, deen esou een Brevet unique huet) eng Kéier a Fro ze stellen, dierft bezweiwelt ginn. D’Leit vum BScE hunn mat ähnlech Problemer ze kämpfen wéi op ganz villen Plazen an Europa, wou d’Formatioun vum Léierpersonal vun enger Fachhéichschoul an eng Universitéit verlagert ginn ass. Et ass kloer gestallt ginn, datt eng gutt Zesummenaarbecht mam MENFP ganz wichteg wier fir den BScE. Geneesou kloer ass awer och, datt et kee Wee méi zréck zur Fachhéichschoul gëtt, déi Formatioun gehéiert op eng Uni.

Den Minister Biltgen huet ugekënnegt, datt hien wéilt Assisen vun der Uni organiséieren, wou ënner anerem och de Problem vun der Kommunikatioun soll diskutéiert ginn. Dës Assisen sollen dann och fir d’Deputéierten op sinn (anescht wéi déi vum Secondaire, déi den MENFP den 1. An 2. Februar 2013 organiséiert hat.)

Dieser Beitrag wurde unter Educatioun abgelegt und mit verschlagwortet. Setze ein Lesezeichen auf den Permalink.

Kommentar verfassen

Trage deine Daten unten ein oder klicke ein Icon um dich einzuloggen:

WordPress.com-Logo

Du kommentierst mit Deinem WordPress.com-Konto. Abmelden / Ändern )

Twitter-Bild

Du kommentierst mit Deinem Twitter-Konto. Abmelden / Ändern )

Facebook-Foto

Du kommentierst mit Deinem Facebook-Konto. Abmelden / Ändern )

Google+ Foto

Du kommentierst mit Deinem Google+-Konto. Abmelden / Ändern )

Verbinde mit %s