Madame, sidd dir dann iwwerhaapt eng Mierscher?

 

blog 1Bei enger Diskussioun an enger berodender Kommissioun vun der Gemeng Miersch, waren engem eeleren Här d’Argumenter ausgaang an hien huet ee Mënsch, den seng Meenung net onbedingt gedeelt huet, ugebaupst: Madame, ech kennen iech net, sidd dir dann iwwerhaapt eng Mierscher!

Ech hun de Sproch och schonn hei zu Miersch ze héieren kritt. Ech wunnen jo réischt 25 Joer hei, ech hunn déi éischt 25 Joeren vun mengem Liewen zu Biissen gewunnt, hat kuerz Tëschenetappen zu Buerschent, um Lampertsbierg an an der Fiels…

Wéi den Här esou al war wéi déi Madame haut ass, hunn an der Gemeng Miersch ronn 5000 Leit gewunnt.  1945, méi eng al Statistiken hun ech net zur Hand, hat d‘Gemeng Miersch 3257 Awunner. Haut wunnen zu Miersch ronn 8500 Leit.

Souguer wann ni e Mënsch aus der Gemeng fortgeplënnert wier, eng schrecklech Virstellung, déi jo och net der Realitéit entsprécht, dann ass d’Awunnerzuel virun allem erop gaang, well Leit derbäi geplënnert sinn: Aus aneren lëtzebuerger Uertschaften, aus insgesamt 77 anere Länner vun allen Kontinenter, bis op den australeschen, vun do huet nach keen de Wee op Miersch fonnt.

Wat muss den eeleren Här dach fir ee komescht Weltbild hunn, wann hien denkt, dat seng Meenung méi wert wier, well hien een echten Mierscher ass! Ech erënneren drun, datt mer am Joer 2013 liewen, a Lëtzebuerg ee räicht Land ass mat méi ewéi 500.000 Awunner, déi majoritaire net méi do wunnen wou se an d’Primärschoul gaange sinn.

Den Mouvement écologique, mécht e.a. och beim Mierscher Buergermeeschter Reklamm fir eng Fachveranstaltung zum Thema Biergerbedeelegung . „Mäer si vun enger ganzer Rei Gemengen ugeschwat ginn, déi soten: “eigentlech wéilte mäer nach méi an di Richtung goen, ma mäer gesinn net wei dat konkret kann ausgesin”“.  Ech freeë mech fir déi ganz Rei Gemengen an wënschen hinnen an dem Méco vill Succès!

 

Dieser Beitrag wurde unter Verschiddenes abgelegt und mit verschlagwortet. Setze ein Lesezeichen auf den Permalink.

Kommentar verfassen

Trage deine Daten unten ein oder klicke ein Icon um dich einzuloggen:

WordPress.com-Logo

Du kommentierst mit Deinem WordPress.com-Konto. Abmelden / Ändern )

Twitter-Bild

Du kommentierst mit Deinem Twitter-Konto. Abmelden / Ändern )

Facebook-Foto

Du kommentierst mit Deinem Facebook-Konto. Abmelden / Ändern )

Google+ Foto

Du kommentierst mit Deinem Google+-Konto. Abmelden / Ändern )

Verbinde mit %s